भुसावळ – येथील दादासाहेब दामू पांडू पाटील माध्यमिक विद्यालयाच्या विद्यार्थ्यांनी सकाळी शाळेपासून तर गावातील मुख्य चौका पर्यंत साफसफाई केली तसेच रस्त्याने असलेले गवत व घाण काढून फेकली. विशेष म्हणजे अनेक दिवसांपासून येथील चौकाची साफसफाई झालेली नव्हती या निमित्ताने गावातील चौक साफसफाई करुन स्वच्छ करण्यात आला. दि. १ आॅक्टोबर रोजी सकाळी सर्व देशात साफसफाई करण्याचे आवाहन करण्यात आले आहे मात्र १ रोजी रविवार असून शाळांना सुट्टी असल्याने विद्यार्थ्यांनी शनिवारी साफसफाई केल्याचे सांगितले जात आहे. यावेळी दादासाहेब दामू पांडू पाटील माध्यमिक विद्यालयाचे शिक्षक वृंद व विद्यार्थ्यांचे गावातील ग्रामस्थांनी आभार मानले आहेत.
