येता १५ ऑगस्ट हा देशाचा ७६वा स्वातंत्र्य दिन आहे. या निमित्ताने केंद्र सरकारने हर घर तिरंगा अभियना २.० सुरू केले आहे. या अंतर्गत देशभरात पोस्टाकडून राष्ट्रध्वजाची विक्री करण्यात येणार आहे.
शिवाय पोस्ट खात्याकडून राष्ट्रध्वजाची ऑनलाईन विक्री ही केली जाणार आहे. ऑनलाईन ध्वजाची मागणी केल्यानंतर ध्वज घरपोच मिळणार आहे.
एका ध्वजाची किंमत २५ रुपये असून डिलिव्हरीसाठी कोणतेही शुल्क आकारण्यात येणार नाही. तर १ लाख ६० हजार पोस्ट कार्यालयांत ध्वजांची विक्री ऑफलाईन पद्धतीनेही होणार आहे.
केंद्र सरकारने १३ ते १५ ऑगस्ट या कालावधित हर घर तिरंगा अभियान राबवण्यात येणार आहे. यानिमित्त प्रत्येक नागरिकांने आपल्या घरी राष्ट्रध्वज लावावा असे आवाहन सरकारच्या वतीने करण्यात आले आहे.
.@IndiaPostOffice to sell #NationalFlag through its 1.60 lakh post offices to celebrate #HarGharTiranga. The Government is organising Har Ghar Tiranga campaign between 13 to 15 August. The citizens can also purchase the national flag through ePostOffice facility of the…
— All India Radio News (@airnewsalerts) August 1, 2023
पोस्टातून राष्ट्रध्वज ऑनलाईन मागवण्याची प्रक्रिया
1. पोस्ट खात्याच्या https://www.indiapost.gov.in/ या वेबसाईटवर जा. तेथून E Post ऑफिसवर जा.
२. इ पोस्ट ऑफिसच्या पेजवर प्रॉडक्टमध्ये जा. तेथे नॅशनल फ्लॅग ऑफ इंडिया वर जा. किंवा थेट या लिंकवर क्लिक करू शकता.
३. नॅशनल फ्लॅग कार्टमध्ये जमा करा.
४. तेथून बाय नाऊचा पर्याय निवडा आणि तेथून पेमेंट करा.
राष्ट्रध्वज किती रुपयांना मिळतो? Buy flag online post office
नाममात्र २५ रुपयांत राष्ट्रध्वज पोस्टातून उपलब्ध करून देण्यात आला आहे. यावर कोणताही जीएसटी आकारण्यात येणार नाही. ऑनलाईन खरेदी करताना पत्ता द्यावा लागेल. तसेच एका व्यक्तीला ५ ध्वज मिळू शकतील.
