सुनसगाव ता भुसावळ वार्ताहर – महाराष्ट्र शासनाच्या इमारत व इतर बांधकाम कामगार कल्याणकारी मंडळ मुंबई च्या योजनेतून कामगारांना मध्यान्ह भोजन योजनेचा शुभारंभ नविन वर्षाच्या पहिल्याच तारखेला झाला.येथील बुध्दविहार व बसस्थानक चौकात भोजनाचे वाटप करण्यात आले.या योजनेचा शुभारंभ गावातील पदाधिकारी व सामाजिक कार्यकर्ते यांच्या हस्ते करण्यात आला.या नोंदणी करण्यात आलेल्या कामगार महिला व पुरुषांनी रांगेत उभे राहून मध्यान्ह भोजन योजनेचा लाभ घेतला.दररोज सकाळी ८ अणि संध्याकाळी ५ वाजेला या कामगारांना या भोजनाचा आस्वाद घेता येणार आहे.यासाठी बुद्धविहार डॉ बाबासाहेब आंबेडकर नगर व बसस्थानक चौकात प्रविण प्रोव्हीजन या ठिकाणी भोजन वाटपाची व्यवस्था करण्यात आली आहे.या कामगारांना जळगाव येथून हे भोजन वाहनाने आणण्याची व्यवस्था करण्यात आली आहे.
