निवडणुकांमध्ये राजकीय पक्षांकडून जाहीरनाम्याद्वारे मतदारांना वेगवेगळी आश्वासने दिली जातात. चंद्रपूर लोकसभा मतदारसंघातील उमेदवाराने तर आनंदाच्या शिध्यात व्हिस्की आणि बीअर देण्याचे आश्वासन मतदारांना दिले आहे. विशेष म्हणजे या उमेदवार महिला वर्गातील आहेत.
चंद्रपूरमध्ये भाजपाकडून सुधीर मुनगंटीवार तर काँग्रेसकडून प्रतिभा धानोरकर हे उमेदवार आहेत. त्याच मतदारसंघात अखिल भारतीय मानवता पक्षाच्या वतीने वनिता राऊत या निवडणूक लढवत आहेत. महागडी व्हिस्की आणि बिअर पिण्याचा अधिकार फक्त श्रीमंतांनाच आहे का, असे म्हणत त्यांनी आपण निवडून आल्यास आनंदाच्या शिध्याबरोबर व्हिस्की आणि बिअर देऊ असे त्यांनी मतदारांना सांगितले आहे.
