नाशिकच्या सप्तशृंगी गडावर एक खासगी बस दरीत कोसळून अपघात झाला आहे. या अपघातात एका प्रवाशाचा मृत्यू झाला आहे, तर बसमधील 20 ते 25 प्रवासी जखमी झाले आहेत. घाटातील गणपती पॉईंटजवळ हा अपघात झाला आहे. दरम्यान स्थानिक नागरिक आणि प्रशासनाकडून घटनास्थळी बचावकार्य सुरु करण्यात आलं आहे. जखमींवर नांदुरी आणि वणी ग्रामीण रुग्णालयात उपचार सुरु आहेत. सप्तशृंगी गडावरून दर्शन घेऊन परत येत असताना सकाळी साडे सहाच्या सुमारास बसला हा अपघात झाला. घाटातील एका वळणावर बस चालकाचे नियंत्रण सुटल्यामुळे हा अपघात झाल्याचे सांगण्यात येत आहे.
