मुंबई – शुक्रवारची सकाळ झाली आणि ट्विटर ने अनेक सेलिब्रिटी सह बऱ्याच जणांना धक्का दिला. अमिताभ बच्चन, विराट कोहली सह अनेक सेलिब्रिटींच्या ट्विटर अकाऊंट ची ब्लू टिक ट्विटरने काढून टाकली. त्यामुळे एकच खळबळ उडाली. बिग बी यांनी तातडीने ट्विटरचे पैसे भरले मात्र अद्याप त्यांची ब्ल्यू टिक परत आली नसल्याने ते वैतागले आहेत.
अमिताभ यांनी शेलक्या भाषेत ट्विटरवरून च त्यांचा संताप व्यक्त केला. “ट्विटर दादा, ऐकताय का? आम्ही आता पैसे पण दिले आहेत तर आता ते जे नावापुढे निळं टिक लावतात ते पुन्हा लावून द्या, म्हणजे किमान लोकांना मीच अमिताभ बच्चन आहे हे तरी कळेल. हात तर जोडलेत आता काय पाया पडू का? “ असे ट्विट अमिताभ बच्चन यांनी केले आहे.
