विवाह हा प्रत्येकाच्या जीवनातील महत्त्वाचा क्षण असतो. हा एक आनंददायी उत्सव आहे. परंतु बऱ्याचदा या आनंददायी क्षणांना ग्रहण लागण्याची शक्यता असते. या परिस्थितीत वेडिंग इन्शुरन्स हा मोठा आधार ठरतो.
या विम्यामुळे तुम्हाला आर्थिक आणि मानसिक सुरक्षा प्रदाण होते. आपण आपघात विमा, आरोग्य विमा विम्याचे हे प्रकार सामान्यातः ऐकतो. अशात सध्या वेडिंग इन्शुरन्सही प्रचलित आहे. जाणून घेऊया काय आहे हा विमा आणि याचा काय लाभ होतो.
वेडिंग इन्शुरन्स म्हणजे काय?
वेडिंग इन्शुरन्स हा एक विशेष प्रकारचा अपघात विमा आहे जो तुमच्या लग्नाच्या दिवसाशी संबंधित असतो. हा विमा लग्नाच्या दिवशी झालेले अनपेक्षित नुकसान भरुन काढण्यासाठी डिझाइन केलेला आहे. अनपेक्षित परिस्थितीत हा विमा सुरक्षा प्रदान करतो.
हा विमा सामान्यतः तुमच्या नियंत्रणाच्या पलिकडील परिस्थितीत कामी येतो. जसे की, खराब वातावरण, नैसर्गिक आपत्ती, महामारीच्या परिस्थितीत, अचानक आलेलं आजारपण.
विक्रेत्याचे अपयश
लग्नादरम्यान करारानुसार विक्रेता त्यांच्या सेवा प्रदान करण्यात अपयशी झाल्यास, विवाह विमा अल्प सूचनेवर पर्यायी व्यवस्था करण्यासाठी संबंधित खर्च कव्हर करू शकतो.
आजारपण आणि संपत्तीचे नुकसान
वधु-वराला किंवा त्यांच्याजवळच्या नातेवाईकास अचानक आजारपण किंवा काही कारणास्तव ते जखमी झाल्यास देखील या विमा अंतर्गत लाभ मिळतो. यासह विवाहादरम्यान विवाहातील कपडे, भेटवस्तूसह इतर संपत्तीची नुकसानभरपाईही मिळते.
विवाह स्थळ
लग्नासाठी तुम्ही निवडलेले मंगलकार्य किंवा इतर ठिकाण दिवाळखोरी किंवा अनपेक्षितपणे बंद झाल्यास या परिस्थितीत हा विमा कामी येतो. या विम्यांतर्गत अनामत रक्कम आणि अतिरिक्त खर्च वसूल करण्यास मदत होते.
भारतातील वेडिंग इन्शुरन्सचे प्रकार
भारतात वेडिंग इन्शुरन्सचे चलन वाढत आहे. अनेक विमा कंपन्या अवश्यकतेनुसार विमा उपलब्ध करुन देत आहे. यात सामन्यतः कोणत्या प्रकारचे विमा आहेत जाणून घेऊया.
विवाह रद्द किंवा पुढे ढकलणे
या प्रकारात जर अनपेक्षित परिस्थितीमुळे विवाह रद्द किंवा पुढे ढकलल्या गेल्यास या परिस्थितीत विमा कव्हर मिळतो.
दागिने विमा
बऱ्याचदा विवाह सोहळ्यादरम्यान वधु-वरांचे दागिने चोरीस गेल्याचे किंवा नुकसान झाल्याच्या घटना घडतात. आशा परिस्थितीत हा विमा लाभदायक ठरतो.
फोटोग्राफी आणि व्हिडिओग्राफी
फोटोग्राफी आणि व्हिडिओग्राफी विम्यांतर्गत फोटोग्राफर किंवा व्हिडीओग्राफर करारानुसार सेवा देण्यास अयशस्वी ठरल्यास संबंधित समस्यांचा समावेश या विम्यात होतो.
दायित्व विमा
विवाह सोहळ्या दरम्यान, थर्ड पार्टीला शारीरिक इजा किंवा कोणत्याही मालमत्तेचे नुकसान होण्याच्या स्थितीत हा विमा कामी येतो.
विक्रेता अपयश विमा
या अंतर्गत विवाह सोहळ्यादरम्यान करारबद्ध विक्रेता त्याच्या सेवा प्रदान करण्यात अपयशी ठरल्यास या परिस्थितील होणारे नुकसान कव्हर केले जाते.
दरम्यान कोणत्या प्रकारचा विमा घतांना त्याच्या नियम व अटी जाणून घेतल्यानंतरच विमा घ्यावा.
