जळगाव – शहरातील पिंप्राळा परिसरातील कलादर्शन ड्रॉईग क्लासेस तर्फे पु. ना. गाडगीळ ला दि.16 ते 30 जुन पर्यंत चित्रकला प्रदर्शनचे आयोजन करण्यात आले आहे.

या प्रदर्शन सोहळ्याचे उदघाटन आमदार सुरेश भोळे (राजू मामा) यांच्या हस्ते करण्यात आले. यावेळी प्रमुख पाहुणे म्हणून

चोपडा येथील ललित कला केंद्राचे निवृत्त प्राचार्य राजेंद्र महाजन, पु.ना.गाडगीळ चे व्यवस्थापक संदीप पोतदार, शिवसेना जिल्हाध्यक्ष विष्णू भंगाळे, माजी महापौर सिमाताई भोळे तसेच माजी उपमहापौर डॉ.अश्विन सोनवणे,

समाजिक कार्यकर्ता प्रकाश बालाणी, नगरसेविका शोभाताई बारी, अतुल बारी, दीपस्तंभ क्लासेसचे संचालक यजुर्वेद महाजन, नृत्य दिग्ददर्शक नरेश बागडे, कलादर्शन ड्रॉईग क्लासेसचे संचालक विजय चव्हाण उपस्थित होते.

आ. राजुमामा पुढे म्हणाले की, या कलादर्शन ड्रॉईग क्लासेसच्या मुलांनी केलेल्या कलाकृती या खुप स्तुती करण्यासारख्या आहेत. आजच्या आधुनिक युगात मुलांचा कल या क्षेत्रात दिसुन आल्यामुळे खुप प्रभावित झालो, कारण या लहान मुलांचे वय खेळण्याचे आहे. त्यांनी या पेंटींग अप्रतिम आणी सुंदर काढलेल्या असून कलावंत दक्ष पाटील, चैतन्य पाटील, सार्थक जैन, राजेश्वरी साळवी यांना पुढील वाटचालीस शुभेच्छा देतो.

प्रदर्शन सोहळा दि. 30 जुन पर्यत सुरु असून नागरिकासाठी सकाळी 1 1 ते रात्री 8 वाजेपर्यत खुले ठेवण्यात आले असून चित्रप्रेमीनि व कलावतांनी भेट द्यावी असे आवाहन विजय चव्हाण यांनी केले आहे.