प्रतिनिधी – जितेंद्र काटे
भुसावळ – तालुक्यातील सुनसगाव येथील रहिवाशी असलेल्या तिघांचे एकाच दिवशी निधन झाल्याने हळहळ व्यक्त करण्यात येत आहे.
येथील मुळ रहिवाशी व ह मु नाशिक येथे असलेले महेश पुरुषोत्तम पाटील यांच्या पत्नी ममता महेश पाटील ह्या बद्रीनाथ केदारनाथ येथे यात्रेत गेलेल्या होत्या तिथे हृदयविकाराच्या झटका आला असता डेहराडून येथे उपचारा दरम्यान निधन झाले त्यांच्यावर मोरवाडी अमरधाम नाशिक येथे दि २५ रोजी सकाळी ८ वाजता अंत्यसंस्कार करण्यात येणार आहेत त्यांच्या पश्चात पती, मुलगा, मुलगी, सासू, दिर, दिराणी असा परिवार आहे. तर दुसऱ्या घटनेत येथील मुळ रहिवाशी व ह मु खडका ता भुसावळ येथील रहिवाशी गं भा गोदावरी उखर्डू नारखेडे वय ९५ यांचे वृद्धापकाळाने निधन झाले त्यांच्या पश्चात मुलगा सून नातवंडे असा परिवार असून त्या माजी सैनिक मोतीराम नारखेडे यांच्या आई तर ज्ञानज्योती विद्यालय खडका येथील उपशिक्षिका नारखेडे मॅडम यांच्या सासू आणि भुसावळ येथील डॉ स्वप्निल कोळंबे यांच्या आजे सासू होत्या.
तसेच तिसऱ्या घटनेत येथील रहिवाशी व पिक संरक्षण सोसायटीचे माजी चेअरमन प्रकाश तुकाराम पाटील वय ६६ यांच अल्पशा आजाराने निधन झाले त्यांच्या पश्चात पत्नी मुले सुना नातवंडे असा परिवार असून ते रत्नाकर व हरिश्चंद्र पाटील यांचे वडिल होते.
