निशा बांगरे यांनी आपला राजीनामा तत्काळ स्वीकारला जावा यासाठी आमला, बैतुल ते मुख्यमंत्र्यांचे निवासस्थान अशी ‘नय पद यात्रा’ काढण्याचा निर्णय घेतला होता. मात्र पोलिसांनी याला परवानगी नाकारली होती. तरीही बांगरे यांनी ही यात्रा काढली. ही यात्रा 9 ऑक्टोबर रोजी भोपाळला पोहोचली होती. परवानगी नसल्याने त्यांची यात्रा पोलिसांनी भोपाळमध्येच अडवली होती. सरकारी सेवेचा राजीनामा देणाऱ्या निशा बांगरे या निवडणूक लढणार असल्याच्या चर्चा पूर्वीपासून सुरू होत्या. त्या बैतुल जिल्ह्यातील आमला मतदारसंघातून निवडणूक लढवतील अशी शक्यता राजकीय वर्तुळात वर्तवली जात आहे. मध्य प्रदेशात 17 नोव्हेंबरला विधानसभा निवडणुका होणार आहेत आणि 3 डिसेंबरला मतमोजणी होणार आहे. मतदानानंतर 230 विधानसभा मतदारसंघातून आमदार म्हणून को निवडून येतो हे स्पष्ट होईल.