स्टाफ् सोसायटीचे माजी संचालक जगन्नाथ बाविस्कर यांचे आवाहन
चोपडा – जळगाव ग.स.संस्थेत अजुनही जे सरकारी अधिकारी कर्मचारी सभासद झाले नसतील व जे सभासद काही कारणास्तव याआधी डिसमेंबर झालेले असतील त्यांनी लवकरच नविन सभासद (मेंबर) होऊन पुढील काळातील कमी व्याजदरात वाढीव कर्जासह संस्थेच्या विविध योजनांचा लाभ घ्यावा,असे आवाहन ग.स.कर्मचारी पतसंस्था (स्टाफ् सोसायटी) चे माजी संचालक जगन्नाथ बाविस्कर (चोपडा) यांनी ह्या पत्रकान्वये केले आहे.
जिल्ह्यातील हज्जारों सरकारी अधिकारी व कर्मचारी ग.स.संस्थेचे सभासद झालेले असुन विविध योजनांचा लाभ घेत आहेत.आधीच प्रशासक यांनी विशेष कर्जावरिल व्याजदर कमी केलेले आहे व पुढिल काळात नविन कार्यकारी मंडळ कर्जाचे व्याजदर कमी करून वाढिव कर्जयोजना मंजुर करण्याची शक्यता आहे.यासाठी उर्वरीत नोकरदारांनी ग.स.मध्ये नवीन सभासद होणे गरजेचे आहे.काही सरकारी कर्मचाऱ्यांनी बाहेरील बँकांमधून जास्त व्याजदराने लाख्खोंचे कर्ज घेऊन त्यांचे अव्वाच्या सव्वा हप्ते फेडणे त्यांना मुश्किल झालेले आहे.अशावेळेस ग.स.संस्थेकडुन कमी व्याजदराने वाढिव कर्ज घेणे हाच उत्तम पर्याय आहे.पगार देणाऱ्या अधिकाऱ्यांनी ग.स.च्या रेग्युलर व थकबाकीदार सभासदांकडील रक्कमा कपात करून संस्थेस वसुलीबाबत सहकार्य करावे.याबाबत ग.स.च्या कर्मचाऱ्यांनीही विशेष प्रयत्न करणे गरजेचे आहे.
ग.स.संस्था सभासदांची तारणहार आहे .
आमची मायबाप ग.स. संस्था जिल्ह्यातील हज्जारों सभासदांची तारणहार आहे.सभासद कर्ज घेऊन आपल्या आर्थिक गरजा भागवितांना घर,प्लॉट,शेती, गाडी,बंगला,मुला-मुलींचे शिक्षण,लग्न,आजारपण व सेवानिव्रुत्ती काळासाठीचे आर्थीक नियाेजन करतात.कर्ज मंजुरीची प्रक्रिया सोपी असून पाच मिनिटात चेक दिला जातो.ग.स.चा कर्मचारी नि:स्वार्थी व आपुलकीने वागणारा असुन संस्था व सभासद यातील महत्वाचा दुवा आहे..
जगन्नाथ बाविस्कर – उपशाखाधिकारी,ग.स.शाखा चोपडा.