तालुका प्रतिनिधि भोकर : दत्ता बोईनवाड

भोकर स्वातंत्र्य दिनाचा 75 वा अमृत महोत्सव तथा आजादी का अमृत महोत्सवाच्या निमित्त भोकर तालुका प्रेस संपादक व पत्रकार सेवा संघाने राबविलेले त्यात माजी सैनिकांचा सन्मान आणि दिव्यांग अपंगांच्या ज्येष्ठांचा सत्कार हा कार्यक्रम राबवून या दिनी कौतुकास्पद काम केल्याचे तहसीलदार राजेश लांडगे यांनी व्यक्त केले आहे.

आजादी का अमृत महोत्सव या देशाच्या 75 व्या दिनाचे अवचित साधून भोकर तालुका प्रेस संपादक व पत्रकार सेवा संघाच्या वतीने दिनांक 15 ऑगस्ट रोजी ठीक एक वाजता भोकर येथील लक्ष्मणराव घिसेवाड महाविद्यालयात माजी सैनिक व दिव्यांगाचा सन्मान सोबतच 75 विद्यार्थ्यांना वही पेन वाटपाचा कार्यक्रम आयोजित करण्यात आला. या कार्यक्रमाच्या अध्यक्षस्थानी भोकरचे तहसीलदार राजेश लांडगे हे होते तर प्रमुख अतिथी म्हणून भोकर पोलीस ठाण्याचे पोलीस उपनिरीक्षक सौ. राणी भोंडवे व काँग्रेसने ते तथा माजी सभापती नागनाथराव घिसेवाड होते. यावेळी अध्यक्षपदावरून बोलताना तहसीलदार राजेश लांडगे म्हणाले की देश 75 वा दिवस साजरा करत असताना भोकर तालुका प्रेस संपादक व पत्रकार सेवा संघाच्या वतीने घेतलेले कार्यक्रम अत्यंत कौतुकास्पद असून पत्रकारांनी दिव्यांगाचा ठेवलेला सन्मान आणि माजी सैनिकांचा सन्मान म्हणजे आजच्या सर्वात कार्यक्रमापैकी एक असल्याचे प्रतिपादन तहसीलदार यांनी केले यानंतर पोलीस उपनिरीक्षक राणी भोंडवे लोकनेते नागनाथ ईश्वर यांनी मार्गदर्शन केले या कार्यक्रमास पत्रकार अनिल डोईफोडे सरपंच श्री गागदे सरपंच, श्री कन्हेवाड, गीतेस बोटलेवाड सेनेचे संतोष आलेवार, विशाल बुद्धेवाड, पांडुरंग कटकमवार आदींची उपस्थिती होती. यावेळी तहसीलदार राजेश लांडगे व पोलीस उपनिरीक्षक सौ. राणी भोंडवे यांच्या हस्ते माजी सैनिक बबन राऊत व देश सेवा करताना शहीद झालेले स्वर्गीय प्रफुल्ल गोवंदे यांच्या स्मरणार्थ त्यांचे वडील गणपतराव गोविंदे यांचा शाल श्रीफळ देऊन सन्मान करण्यात आला. तर बारा दिव्यांगाचा सत्कारही मान्यवराच्या हस्ते करण्यात आला तसेच 75 विद्यार्थ्यांना वही, पेन वाटप करण्यातही आले.

लोकनेते नागनाथ घिसेवाड यांचा सत्कार

बहुजन तथा काँग्रेसचे नेते श्री नागनाथ घिसेवाड यांचा आज वाढदिवस असल्याने त्यांच्या या वाढदिवसा निमीत्त या कार्यक्रमात त्यांचा उपस्थित मान्यवरांच्या हस्ते प्रेस व संपादक पत्रकार सेवा संघाच्या वतीने जंगी सत्कार करण्यात आला. या कार्यक्रमाचे सूत्रसंचालन व आभार संघाचे सचिव श्री सुभाष नाईक किनीकर यांनी केले तर हे कार्यक्रम यशस्वी करण्यासाठी संघाचे अध्यक्ष उत्तम कसबे, उपाध्यक्ष दत्ताभाऊ बोईनवाड, सचिव सुभाष नाईक, संघटक माधव गायकवाड यांनी प्रयत्न केले.