घटनाबाह्य मुख्यमंत्र्यांची पीआर टीम इन्ल्फ्लुएन्सर आणि पॉडकास्टना त्यांचे कार्यक्रम होस्ट करण्यास सांगत आहे. मात्र मी मिध्यांना थेट आव्हान देत आहे. त्यांना माझ्यासोबत पॉडकास्ट करावा आणि वन टू वन चर्चा करावी. मिध्यांनी पदभार स्वीकारल्यापासून महाराष्ट्रातून गुजरातला पाठवलेल्या उद्योगांबद्दल चर्चा करूया. महाराष्ट्रातील तरुणांना रोजगाराच्या संधीला मुकावे लागले. स्वत:च्या स्वार्थासाठी आमच्या पाठीत खुपसण्यात आला. याबद्दल चर्चा करूया.
महाराष्ट्रात शेतकऱ्यांच्या आत्महत्या का वाढत आहेत? शहरात गुन्हेगारी का वाढत आहे? महिलांना कठीण प्रसंगांना तोंड का द्यावे लागत आहे? महाराष्ट्र भरडला, लुटला जात असताना हे कशाप्रकारे आपल्या पदाचा गैरवापर करून ठेकेदार मित्रांना कंत्राटाचा मलिदा वाटत सुटले आहेत. साधे प्रश्न आहेत, असे थेट आव्हान देत आदित्य ठाकरे यांनी सीएमओलाही टॅग केले आहे.
