प्रतिनिधी – जितेंद्र काटे
भुसावळ – तालुक्यातील कुऱ्हा पानाचे येथील राजाराम धोंडू माध्यमिक विद्यालयाच्या ८५ विद्यार्थ्यांना घेऊन नांदुरा, खामगाव, संत नगरी शेगाव येथे नुकतीच गेली होती. इयत्ता ५ ते १० वी च्या गटातील ८५ विद्यार्थ्यांची दोन बस द्वारे सहल पार पडली. ग्राम विकास शिक्षण मंडळाचे संचालक घनश्याम बडगुजर यांच्या हस्ते बसची पुजा करून सहलीला सुरूवात झाली. यावेळी मुख्याध्यापक आर व्ही गवळी, पर्यवेक्षक एस डी वाघ , सहलीसाठी आवश्यक शिक्षक व पालक मोठ्या संख्येने उपस्थित होते. शनिवार दि. १३ रोजी कुऱ्हे पानाचे येथून नांदुरा-१०५ फुट हनुमान दर्शन, बालाजी मंदिर, खामगाव -पारले फॅक्टरी, शेगाव- गजानन महाराज समाधी दर्शन, माऊली वाटर पार्क शेगाव. येथे दोन बस द्वारे गेली होती.
लिम्का बुक ऑफ रेकॉर्ड मध्ये नोंद असलेल्या नांदुरा येथील १०५ फूट हनुमानाचे दर्शन घेतल्यानंतर येथीलच बालाजी मंदिराचे अतिशय सूक्ष्म रेखीव काम तसेच ब्रह्मा, विष्णू, महेश व बालाजी देवांच्या अतिशय सुंदर, मनमोहन, अविस्मरणीय अशा मूर्तींचे दर्शन घेऊन बालाजी मंदिरामध्ये प्रसादाचा लाभ घेतला. त्यानंतर शैक्षणिक क्षेत्र भेट व्हावी या उद्देशाने खामगाव येथील शिवांगी बेकर्स अर्थात पारले फॅक्टरी मध्ये विद्यार्थ्यांनी पारलेचे विविध प्रॉडक्ट यांच्या बद्दल माहिती घेऊन प्रत्यक्ष बिस्कीट कशी तयार होते? बेकिंग कशी होते? पॅकिंग कशी होते? हे प्रत्यक्षपणे पाहिले. त्यानंतर संतनगरी शेगाव येथे संत गजानन महाराज यांच्या समाधीचे दर्शन घेऊन महाप्रसादाचा लाभ घेतला. शेवटी माऊली वाटर पार्क -शेगाव येथे विद्यार्थ्यांनी वाटर पार्क मध्ये मनसोक्त आनंद लुटला.
या शैक्षणिक सहलित विद्यार्थ्यांना ऐतिहासिक, धार्मिक, शैक्षणिक भेटीत- क्षेत्रभेट पारले कारखाना व विद्यार्थ्यांना मौजमस्ती वाटणारे वाटर पार्क या सर्वच घटकांचा समावेश असल्याने विद्यार्थी आनंदीत होत. सहल प्रमुख म्हणून योगेश गांधेले यांनी काम पाहिले. मुख्याध्यापक आर व्ही गवळी, पर्यवेक्षक एस डी वाघ, सर्व शिक्षक, शिक्षिका, शिक्षकेतर कर्मचारी यांनी सहलीसाठी मेहनत घेतली.