हेमकांत गायकवाड
चोपडा :अमरावती येथे २० वी ज्युनिअर राज्यस्तरीय टेनिस बॉल क्रिकेट स्पर्धा २०२१ चे आयोजन करण्यात आले होते.या राज्यस्तरीय स्पर्धेत चोपडा येथील अष्टविनायक स्पोर्ट्स क्लब क्रिकेटचा (महिला) संघ सहभागी झाला होता. या संघात पंकज शैक्षणिक व सामाजिक संस्थेचे पंकज कला व विज्ञान महाविद्यालय,चोपडा येथील दोन महिला खेळाडू कामिनी पाटील व पूजा पाटील या सहभागी झाल्या होत्या या राज्यस्तरीय टेनिस बॉल क्रिकेट स्पर्धेसाठी महाराष्ट्रातून आलेल्या संपूर्ण संघामधून चोपडा येथील संघ उपविजेता झाला. या स्पर्धेत या दोघा महिला खेळाडूनीं चांगली कामगिरी केल्यामुळे या दोघांची राष्ट्रीय स्तरावर निवड झाली असून सदर राष्ट्रीय स्पर्धेत कामिनी व पूजा सहभागी होण्यासाठी २२ते २६ सप्टेंबर २०२१ या दरम्यान जम्मू काश्मीर येथे जाणार आहेत.
राष्ट्रीय स्पर्धेत या दोघं महिला खेळाडूची निवड झाल्याबद्दल त्यांचे पंकज शैक्षणिक व सामाजिक संस्थेचे अध्यक्ष डॉ.सुरेश बोरोले, संचालक भैय्यासाहेब पंकज बोरोले, सर्व संचालक मंडळ , एम.व्ही.पाटील, व्ही.आर.पाटील,विभाग प्रमुख, महाविद्यालयाचे प्राचार्य डॉ.किशोर पाठक, क्रीडा संचालक प्रा.डॉ.विजय पाटील,प्राध्यापक वृंद व शिक्षकेतर कर्मचारी व पंकज समूहातील सर्व कर्मचारी यांनी अभिनंदन केले आहे व पुढील राष्ट्रीय क्रिकेट स्पर्धेसाठी शुभेच्छा दिल्या आहेत.
