प्रतिनिधी – जितेंद्र काटे
भुसावळ – तालुक्यातील वराडसिम येथील रहिवाशी बाबुलाल कोळी हा इसम गावालगत असलेल्या शेतात फाशी घेतलेल्या अवस्थेत आढळला असता भुसावळ तालुका पोलिसांनी दिलेल्या माहितीनुसार अनिल दामू कोळी रा. वराडसिम यांनी दिलेल्या फिर्यादीत म्हटले आहे की दि. ७ मार्च २४ रोजी दुपारी ४ वाजेच्या सुमारास किंवा अगोदर निश्चित वेळ माहिती नाही असे सांगत मयत बाबुलाल हरी कोळी (रा. वराडसिम वय ५८) हा हिरामण अंकत पाचपांडे यांच्या शेतात पांढऱ्या रंगाच्या दोरीने गळफास घेऊन लटकलेल्या अवस्थेत आढळून आला. त्यास ट्रामा सेंटर भुसावळ येथे नेले असता डॉक्टरांनी मयत घोषित केले अशी फिर्याद दिली आहे. मयताच्या पश्चात मुलगा, मुलगी, जावई नातवंडे असा परिवार असल्याचे समजते.
या बाबत भुसावळ तालुका पोलीस स्टेशन मध्ये अ.मृ. क्र.०८/२०२४ सीआरपीसी १७४ प्रमाणे दाखल करण्यात आले असून तालुका पोलीस स्टेशन चे पो नि बबनराव जगताप व सहाय्यक पोलीस निरीक्षक विशाल पाटील यांच्या मार्गदर्शनाखाली कुऱ्हा पानाचे औट पोष्ट चे बीट हवालदार युनूस शेख पुढील तपास करीत आहेत.
