प्रतिनिधी जितेंद्र काटे – भुसावळ – तालुक्यातील गोंभी – वांजोळा रस्त्यावरील काम निकृष्ट दर्जाचे होत असल्याने सरपंच, उपसरपंच व सदस्य तसेच गोंभी ग्रामस्थांनी बंद पाडले.
या बाबत माहिती अशी की , गोंभी – वांजोळा या रस्त्याचे नुकतेच आ. संजयभाऊ सावकारे यांच्या हस्ते भूमिपूजन करण्यात आले होते त्या नंतर काही कालावधीनंतर रस्त्याच्या कामाला सुरुवात झाली. रस्ता चांगला होणार असे वाटत असतानाच दि.१ मार्च रोजी दुपारी गोंभी गावाजवळील अग्रवाल नामक व्यक्तीच्या शेतातील माती ( घेसू ) या रस्त्यावर टाकण्यात येत असल्याचे समजताच गोंभी येथील सुज्ञ नागरिकांनी जाऊन पाहणी केली असता खरोखरच खडीवर माती टाकून पाणी टाकण्याचे काम सुरू होते. त्यामुळे सरपंच पती भोजराज कोळी व उपसरपंच एकनाथ सपकाळे तसेच सदस्य पती युवराज गोपाळ पाटील यांना बोलावून माहिती देण्यात आली. तसेच या बाबत या ठिकाणी असलेल्या अभियंता व ठेकेदाराचे निरीक्षक यांना विचारले असता त्यांनी उडवाउडवीची उत्तरे दिली त्यामुळे ग्रामस्थांनी संताप व्यक्त केला. या नंतर आ. संजयभाऊ सावकारे यांना फोन करून माहिती देण्याचा प्रयत्न केला असता फोन नाॅट रिचार्ज येत असल्याने शेवटी प्रमोद सावकारे यांना फोन केला असता निकृष्ट माती व खडी फेकून चांगल्याप्रकारे काम करण्याचे आश्वासन दिले आहे.
मात्र गोंभी येथील ग्रामस्थ व सरपंच उपसरपंच व सदस्य यांनी जागृता दाखवून काम बंद केल्याने कौतुक केले जात आहे. या प्रकरणी ठेकेदार व संबंधित अधिकारी यांना गोंभी येथे बोलविणार असल्याचे समजते.