पुष्पक एक्स्प्रेसमध्ये आग लागल्याची अफवा पसरल्याने पाचोरा रेल्वे स्थानकावर मोठा गोंधळ उडाला. घाबरलेल्या प्रवाशांनी चालत्या गाडीतून उड्या घेतल्या, ज्यामुळे काही प्रवासी शेजारून जाणाऱ्या कर्नाटक एक्स्प्रेसच्या चिरडले गेले. या दुर्दैवी घटनेत आठ प्रवाशांचा मृत्यू झाला असून अनेकजण गंभीर जखमी झाले आहेत.
6 Train Passengers Dead After Being Run Over by Pushpak Express in Maharashtra’s Jalgaon#JalgaonTrainMishap pic.twitter.com/lBSsenSii1
— Siddhant Anand (@JournoSiddhant) January 22, 2025
जळगावच्या पाचोरा रेल्वे स्थानकावर एक दुर्दैवी घटना घडली, जिथे पुष्पक एक्स्प्रेसमध्ये आग लागल्याची अफवा पसरल्यानंतर गोंधळ उडाला. घाबरलेल्या प्रवाशांनी जीव वाचवण्यासाठी चालत्या गाडीतून उड्या मारल्या.
दुर्दैवाने, काही प्रवासी शेजारील रेल्वे ट्रॅकवर पडले आणि त्याच वेळी तिथून जात असलेल्या कर्नाटक एक्स्प्रेसने त्यांना धडक दिली. या घटनेत अनेक प्रवाशांचा मृत्यू झाला असून स्थानकावर हळहळ व्यक्त केली जात आहे.
प्रशासनाने त्वरित घटनास्थळी धाव घेतली आणि आपत्कालीन मदतकार्य सुरू केले. मृतांची संख्या निश्चित करण्यासाठी आणि ओळख पटवण्यासाठी प्रयत्न सुरू आहेत. तसेच, या चुकीच्या अलार्मचा उगम शोधण्यासाठी अधिकाऱ्यांकडून चौकशी केली जात आहे. भविष्यात अशा घटना होऊ नयेत यासाठी रेल्वे प्रशासन उपाययोजना करण्याच्या तयारीत आहे.
