चोपडा (प्रतिनिधी) जळगाव जिल्हा सरकारी नोकरांची सहकारी पतपेढी लि.जळगाव उर्फ ग.स.सोसायटीचे विद्यमान अध्यक्ष उदय मधुकर पाटील यांनी नुकतीच चोपडा शाखेला कामकाज आढावाबाबत स्नेहभेट दिली.याप्रसंगी विद्यमान संचालक योगेश सनेर यांचीही उपस्थिती होती.निवडीनंतर प्रथमच शाखेच्या भेटीसाठी आलेले नवनियुक्त अध्यक्ष उदय पाटील यांचे चोपडा शाखेतर्फे संचालक योगेश सनेर यांच्या शुभहस्ते यथोचित स्वागत व सत्कार करण्यात आला.तसेच नवनियुक्त संचालक योगेश सनेर यांचाही सत्कार विभागीय अधिकारी वसंतराव पाटील (अमळनेर) यांच्या शुभहस्ते करण्यात आला.याप्रसंगी जळगांव ग.स.स्टाफ् सोसायटीचे संचालक नारायण शिरसाठ, चोपडा ग.स.शाखेचे शाखाधिकारी आनंद बोरसे, स्मिता मोरे, शिवाजी बाविस्कर, दिलीप सपकाळे, नारायण शिरसाठ यांचेसह उपशाखाधिकारी व इतर कर्मचारी उपस्थित होते.
थकबाकी वसुलीसाठी विशेष प्रयत्न करावेत..
ग.स.च्या कर्मचार्यांनी शिस्तीत राहुन सभासदांशी आपुलकीने वागावे.नुकतीच कर्ज मर्यादेत वाढ केलेली असून व्याजदर सुद्धा कमी केलेले आहे.कर्ज वितरण करतांना सभासदांच्या तक्रारी येणार नाहीत याची काळजी घ्यावी.विविध विभागातील अधिकारी व कर्मचारी की,जे आपल्या संस्थेचे अजुनही सभासद झालेले नसतील त्यांचेशी प्रत्यक्ष संपर्क साधून त्यांना नवीन सभासद बनविण्यासाठी प्रयत्न करावेत.थकबाकी वसुलीसाठी विशेष प्रयत्न करावेत..
उदय मधुकर पाटील अध्यक्ष,ग.स.संस्था लि.जळगाव.