प्रतिनिधी – जितेंद्र काटे
भुसावळ – तालुक्यातील सुनसगाव येथील श्री मनुदेवी मंदीराच्या प्रांगणात प्राणप्रतिष्ठा सोहळा निमित्ताने श्री शिव महापुराण कथा आयोजन करण्यात आले असून कथा प्रवक्ते हभप मनोज महाराज ( दुसखेडा ) हे आपल्या सुश्राव्य वाणीतून कथा निरुपण करीत आहेत. या सप्ताहात हभप रमेश महाराज सुनसगावकर, हभप कन्हैया महाराज शेंदुर्णीकर व हभप मनोज महाराज दुसखेडा यांची किर्तन झाली असून हभप प्रतिभाताई सोनवणे जळगाव, हभप पुजा ताई पाडळसे, हभप मालताताई बुऱ्हाणपूर, हभप दिपक महाराज बोर अजंटीकर यांचे किर्तन होणार असून दि. ६ एप्रिल रोजी हभप राजेंद्र महाराज केकत निंभोरा यांचे काल्याचे किर्तन होणार आहे.
सप्ताहात मृदंगमणी मुरलीधर बेंडाळे वरणगाव व गायनाचार्य गोपाळ महाराज भांबलवाडी, कैलास महाराज सिंगत, हेमंत महाराज कळमोदा व गावातील भजनी मंडळ आहे. महाप्रसाद दि.६ एप्रिल रोजी सकाळी १० ते १ या वेळेत होणार आहे.