दिल्लीचे मुख्यमंत्री अरविंद केजरीवाल यांना मद्य धोरण घोटाळ्याप्रकरणी न्यायालयाने सहा दिवसांच्या ईडी कोठडीत रवानगी केली आहे. दिल्लीतल्या राऊस अव्हेन्यू न्यायालयाने त्यांना 28 मार्चपर्यंत ईडी कोठडीत पाठवले आहे.

फोन काढून घेतला

चौकशी सुरू करण्यापूर्वी ईडीने केजरीवाल यांचा फोनही काढून घेतला. त्यांना एखाद्या गुन्हेगाराप्रमाणे वागणूक दिली. निवासस्थानातील सर्व लँडलाईनही बंद करण्यात आले. आपचे कार्यकर्ते आणि केजरीवाल यांच्या समर्थकांनी मोदी सरकारविरोधात प्रचंड घोषणाबाजी केली. कार्यकर्ते ऐकत नसल्याचे पाहून पोलिसांनी त्यांना अडवण्याचा प्रयत्न केला. परंतु, कार्यकर्त्यांचा आवाज आणखी वाढल्यावर पोलिसांनी अनेकांना अक्षरशः फरफटत व्हॅनपर्यंत नेले.