महिला कुस्तीपटूंकडून लैंगिक शोषणाचे आरोप झालेले राष्ट्रीय कुस्ती महासंघाचे माजी अध्यक्ष आणि भाजपचे माजी खासदार बृजभूषण सिंह यांना दिल्ली न्यायालयाने जोरदार धक्का दिला आहे. दिल्ली न्ययालयाने पाच महिला कुस्तीपटूंचे लैंगिक शोषण केल्याचे आरोप तसेच दोन महिला कुस्तीपटूंना धमकी दिल्याचे आरोप त्यांच्यावर निश्चित केले आहेत.
ऑलिम्पिकपटू साक्षी मलिक, विनेश फोगाट यांच्यासह इतर काही महिला कुस्तीपटूंनी बृजभूषण यांच्यावर लैंगिक शोषणाचा आरोप केला होता. त्याविषयी आरोप निश्चिती व्हावी यासाठी दिल्लीच्या स्थानिक कोर्टात याचिका दाखल केली होती.
