प्रतिनिधी – जितेंद्र काटे
भुसावळ – येथील खडका रोड भागातील बालकाचा नाल्यात पडून मृत्यू झाल्याची हृदयद्रावक घटना घडली यामुळे प्रशासना विरोधात नागरिकांनी संताप व्यक्त केला आहे.
खडका रोड भागात राहणारे नसरुद्दीन बिहारी हे आपल्या कुटुंबासह भाड्याने राहतात त्यांचा अरसलान उर्फ बाबू नामक तीन वर्षे वय असलेला मुलगा खडका रोड भागातील बिलाल कांडप मशिन जवळ रविवारी खेळत असताना जवळच असलेल्या खोल नाल्यात पडला. मात्र हा प्रकार माहीत नसल्याने सोशल मीडिया वर मुलगा बेपत्ता झाल्याची माहिती व फोटो व्हायरल होत होता.
परंतु या परिसरातील सीसीटीव्ही कॅमेरे तपासणी केले असता नाल्यात पडल्याची धक्कादायक घटना समोर आली. चिखलात अडकल्याने या बालकाचा मृत्यू ओढवला आहे. या बाबत पुढील कारवाई सुरू असल्याचे सांगितले जात आहे.
