प्रतिनिधी – जितेंद्र काटे
भुसावळ – तालुक्यातील सुनसगाव येथील अंगणवाडी क्रमांक ६१८ च्या मदतनीस मोहिनी दिनकर पाटील यांच्या उल्लेखनीय कामगिरी बद्दल भुसावळ येथील लोणारी समाज मंगल कार्यालयात झालेल्या नारीशक्ती वंदन हळदी कुंकू कार्यक्रमात शाल श्रीफळ व पुष्पगुच्छ तसेच भेटवस्तू देऊन सत्कार करण्यात आला. विशेष म्हणजे अंगणवाडी कर्मचारी संघटनेचा संप पुकारला असताना सुनसगाव येथील एकमेव अंगणवाडी सुरू होती व मोहिनी पाटील संपात सहभागी झालेल्या नव्हत्या. हा सन्मान भुसावळ चे आमदार संजय सावकारे यांच्या सौभाग्यवती रजनी सावकारे यांच्या हस्ते करण्यात आला यावेळी भुसावळ पंचायत समितीच्या माजी सभापती मनीषा पाटील, वंदना उन्हाळे व पदाधिकारी तसेच महिला बचत गटाच्या महिला व पदाधिकारी उपस्थित होते. मोहिनी पाटील यांना सत्कार करण्यात आल्याने त्यांचे विविध स्तरातून अभिनंदन केले जात आहे.