प्रतिनिधी – जितेंद्र काटे
भुसावळ – तालुक्यातील गोजोरे येथील जिल्हा परिषद मराठी प्राथमिक शाळेत बाल आनंद मेळाव्याचे आयोजन करण्यात आले होते यावेळी मेळाव्याचे उदघाटन सरपंच सौ नंदा लक्ष्मण कोळी (सपकाळे )यांच्या हस्ते करण्यात आले. या मेळाव्यात विद्यार्थ्यानी चहा, थंडगार लस्सी, मुग भजे, बेसन भजे, कचोरी, उकळलेल्या भूईमूग शेंगा, तळलेले पापड, डोसा, ढोकळा वेणीचा गजरा असे भरपूर प्रकारचे स्टॉल लावलेले होते. गावकऱ्यांनी मेळावात हजेरी लावून आनंद लुटला या मेळावातून विद्यार्थ्याना आर्थिक व्यवहाराचे देवाण घेवाण व्यवहार समजले विशेष म्हणजे या मेळाव्यात डिजिटल फोन पे व्यवहार सुद्धा झाले या मेळाव्यातून आर्थिक उलाढाल कशी होते याची माहिती विद्यार्थ्यांना झाली. तसेच या प्रसंगी शाळा व्यवस्थापन समितीचे अध्यक्ष भागवत कोळी व सामाजिक कार्यकर्ते लक्ष्मण कोळी यांनी विद्यार्थ्यांना मार्गदर्शन केले.
शाळेचे मुख्याध्यापक व शिक्षकांनी विद्यार्थ्यांचा आनंद मेळावा उत्साहात पार पाडण्यासाठी परिश्रम घेतले. गावातील ग्रामस्थांनी तसेच पालकांनी अनेक खाद्यपदार्थ घेऊन विद्यार्थ्यांचा आनंद व्दिगुणित केला.