मुंबई – १० वी आणि १२ वीच्या परिक्षांचे वेळापत्रक जाहीर झाले असून दहावीच्या विद्यार्थांसाठी एक महत्त्वाची माहिती पुढे आली आहे. दहावीच्या विद्यार्थ्यांना आता ऑनलाईन हॉलतिकीट उपलब्ध होणार आहे.
बुधवार, ३१ जानेवारीपासून विद्यार्थी आपले हॉलतिकीट मिळवू शकतील.
महाराष्ट्र राज्य माध्यमिक आणि उच्च माध्यमिक शिक्षण मंडळ बुधवारी १० वीच्या विद्यार्थ्यांचे हॉलतिकीट जारी करणार आहे. परीक्षेला बसलेले विद्यार्थी आपले हॉलतिकीट mahahsscboard या अधिकृत वेबसाईटवरून डाउनलोड करू शकतील. वेळापत्रकानुसार, दहावीची परिक्षा ही १ मार्च ते २६ मार्च २०२४ या कालावधीत होणार आहे.
असे मिळवा ऑनलाईन हॉलतिकीट
– mahahsscboard.in या अधिकृत वेबसाइटला भेट द्या
– वेबसाईटच्या होमपेजवर ‘लॉगिन फॉर इन्सिट्युट” हा ऑप्शन असेल.
– त्याखाली SSC आणि HSC अशा दोन पर्यायांतून योग्य पर्याय निवडा.
– त्यानंतर तिथे तुमचे युजर नेम आणि पासवर्ड टाकून सबमिट करा आणि तुमचे हॉलतिकीट मिळवा.
